Ein man cychwyn yw’r man cychwyn: y Creu.

Yn y dechreuad creodd Duw y nefoedd a’r ddaear ... (Genesis 1:1)

Onid un tad sydd gennym oll? Onid un Duw a’n creodd? Pam felly yr ydym yn dwyllodrus tuag at ein gilydd gan ddifwyno cyfamod ein tadau? (Malachi 2:10)

O! ARGLWYDD, ein Iôr, mor ardderchog yw dy enw ar yr holl ddaear! (Salm 8:9)

Nid o ddim y creodd Duw'r byd. Creodd Duw'r byd o rywbeth oedd ynddo Ef ei hun - cariad. O anweledig bethau y gwnaed y pethau a welir.

Greawdwr Dduw, cydnabyddwn ein dibyniaeth arnat, ac offrymwn i ti ein clod a’n mawl. Amen.