Pan oeddent yno, cyflawnwyd yr amser iddi esgor, ac esgorodd ar ei mab cyntaf-anedig; a rhwymodd ef mewn dillad baban a'i osod mewn preseb ... (Luc 2:6,7 BCN)
Wel, wel! Helo’r un bach!
Fi yw dy fam.
Be’ wnâi ohonot dwed?
Be’ wnei di ohonof?
‘Drycha: dy dad yw hwn. Joseff. Ie, a dyma’r ych, asyn a hanner dwsin o ddefaid. Nid dyma dy gartref. Dyma le ddois di i’r byd!
Be’ wnei di o’r hen fyd ‘mha? Rhyfedd o fyd! Rhyfedd, a rhyfeddol hefyd - cofia di chwilio am y rhyfeddol.
Be’ wnei di o bobl? Am bob un drwg ma' dau dda, dwi’n credu hynny. Ond, cofia am bob un pwyllog ma’ dau fyrbwyll!
Be’ bynnag, cymer laeth nawr. Cymer dy ddigon, ac wedyn cwsg; cysga di a chawn fymryn o orffwys ni’n tri: heddwch mewn stabl.
(OLlE)
