Penderfynwyd ymadael …

Brwd bu’r ymgyrchu.

Gwelsom ymrannu ac ymrafael.

Ymlaen bellach yw’r unig ddewis.

Ymlaen i gyfnod anodd, ansicr.

Ymlaen gan ailddiffinio ein perthynas â gweddill Ewrop.

Ymlaen â pharch: Goddefwn ein gilydd ... (Colosiaid 3:13).

Ymlaen gan ymroi i ddarganfod gwrthgyffur i’r gwenwyn a ddaeth gymaint rhan o’n gwleidydda’n ddiweddar.

Ymlaen gan ymroi i sicrhau parch a derbyniad i’r rheini, yma o ledled byd, sydd yn cyfrannu gyda ni at amlochredd cyfoethog ein cymunedau.

Ymlaen, heb ymynysu.

Ymlaen, heb haerllugrwydd.

Ymlaen, heb anobeithio.

Boed i Dduw ein cynnal a’n cadw, gan feithrin ynom ddeall a chyd-ddeall, fel y gellid cofio ac annog-gofio: Mor dda ac mor ddymunol yw i bobl fyw’n gytûn (Salm 133:1).

(OLlE)