Dyma awgrym o ddarlleniad a gweddi i Sul Cyfiawnder Hiliol, 13 Medi 2015

Oherwydd yr ARGLWYDD eich Duw yw Duw y duwiau ac Arglwydd yr arglwyddi, Duw mawr, cadarn ac ofnadwy; nid yw'n dangos ffafriaeth nac yn cymryd llwgrwobr. Y mae'n gwneud cyfiawnder â’r amddifad a'r weddw, ac yn caru'r dieithryn, a rhoi iddo fwyd a dillad. Yr ydych chithau i garu'r dieithryn, gan ichwi fod yn ddieithriaid yng ngwlad yr Aifft.

(Deuteronomium 10:17-19)

Duw a Thad yr holl bobl,

yn dy gariad

creaist holl genhedloedd y byd

i fod yn deulu,

a dysgodd dy Fab ni i garu ein gilydd.

Eto, mae ein byd wedi’i rwygo

gan ragfarn, ymffrost a balchder.

Cynorthwya’r gwahanol genhedloedd

i garu a deall ei gilydd yn well.

Dwysâ ynom gydymdeimlad,

goddefgarwch ac ewyllys da,

fel y gallwn ddysgu i werthfawrogi’r rhoddion

y mae cenhedloedd eraill yn eu rhoi i ni,

ac i weld yn yr holl bobl

ein brodyr a’n chwiorydd y bu Crist farw trostyn nhw.

Arbed ni rhag cenfigen, casineb ac ofn,

a helpa ni i fyw gyda’n gilydd

fel aelodau o un teulu gartref yn y byd,

meibion a merched o un Tad

sy’n byw yn rhyddid plant Duw

drwy Iesu Grist ein Harglwydd.

Amen