Eseia 35:1 gan mai honno yw’r unig un nad sydd yn cyfeirio at y glaw.
YN ANAD UN (22)
Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb tua 21:30
Pa adnod NAD sydd yn perthyn i’r gweddill, a pham?
MINNY’D (40) ADNABOD CARIAD DUW
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
'YMLAEN': Y SUL A'R WYTHNOS NEWYDD
Yfory (7/7; 14:00-17:00) Te Mefus yng nghartref aelod er budd ein helusen.
Edrychwn ymlaen at y Sul nesaf; Sul llawn, ac amrywiol ei fendithion: Oedfa i’r Teulu - Cyfundeb Dwyrain Morgannwg; 10:45 yn y Tabernacl, Efail Isaf.
Liw nos am 18:00 Oedfa Hwyrol dan arweiniad ein Gweinidog (yn Minny Street). Bydd homili Owain yn ymdroelli o gwmpas y thema o Dduw fel crochenydd (Jeremeia 18:1-6): Gwaith; Pwrpas; Methiant ac Ailddechrau.
Bydd ein Diaconiaid yn cwrdd nos Lun. Diolch iddynt am eu gwaith a hyd y flwyddyn.
YN ANAD UN (21) ATEB
Actau 27:12 gan mai honno yw’r unig un nad sydd yn cyfeirio at yr ‘Haf’.
YN ANAD UN (21)
Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb tua 21:30
Pa adnod NAD sydd yn perthyn i’r gweddill, a pham?
MINNY’D (39) BENDITHIAF DI ... A BYDDI’N FENDITH
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
'YMLAEN': Y SUL A'R WYTHNOS NEWYDD
Gan obeithio y bydd i Owain lwyddo i groesi’r Swnt yn ddiogel o Ynys Enlli, edrychwn ymlaen at yr Oedfa Deulu bore Sul (10:30). Adeiladir eglwys o flociau a chyflwynir negeseuon allweddol am dyfiant a datblygiad ein gweinidogaeth gan ... bentwr anniben o hambyrddau, potel o saws coch, bwrdd gwyddbwyll a llond bocs o greonau. Bydd paned a nwyddau Masnach Deg yn y Festri wedi'r Oedfa.
Liw nos, Oedfa Gymundeb (18:00). Echel myfyrdod ein Gweinidog fydd cwestiwn mawr y dynion mewn gwisgoedd llachar: "Pam yr ydych yn ceisio ymhlith y meirw yr hwn sy’n fyw?" (Luc 24:5). Wrth y bwrdd Cymundeb cawn gyfle i gydymdeimlo â’r galarus yn ein plith, a chofio’r aelodau hynny sy’n methu a bod gyda ni, gan bellter ffordd, cystudd neu henaint. Bydd paned a nwyddau Masnach Deg yn y Festri wedi’r Oedfa Hwyrol. Boed bendith.
Nos Lun (2/7; 19:00-20:30) PIMS: Swper pen tymor.
Babimini bore Gwener (6/7; 9:45-11:15 yn y Festri): gwên, a chroeso, cwmni a phaned i’r rhieni; ac i’r plantos: hwyl a chân, chwarae a chwerthin. Gorffwysed bendith ar Fabimini. ‘Rydym yn ddyledus i’r rheini sy’n rhoi o’u hamser i gynnal y fenter bwysig hon.
