'YMLAEN': Y SUL A'R WYTHNOS NEWYDD

June 22, 2018 Owain Evans

Dros y Sul, ein braint fel eglwys fydd cael gwrando cenadwri a derbyn arweiniad gan y Parchedig Eirian Wyn Lewis (Mynachlogddu). Gwyddom y cawn ganddo bregethu meddylgar a phregethau buddiol a bendithlawn. Yn ôl ein harfer, bydd yr Oedfa Foreol am 10:30. Cynhelir yr Ysgol Sul. Bydd yr Oedfa Hwyrol am 18:00. Boed bendith ar y Sul.

Mehefin 25-27: Ysgol Haf y Gweinidogion yng Nghaerfyrddin.

Dydd Iau (28/6; 10:30 -13:00): Taith Gerdded Parc y Rhath (manylion llawn yng nghyhoeddiadau'r Sul)

Boed bendith Duw ar waith a chenhadaeth Cyngor Eglwysi Cymraeg Caerdydd yn Nhafwyl (Gŵyl flynyddol Menter Caerdydd i ddathlu celfyddydau a diwylliant Cymraeg yw Tafwyl. Mehefin 30-Gorffennaf 1). Gweddïwn y ‘daw Efe i’r ŵyl’.

Fel eglwys dymunwn yn dda i’n Gweinidog wrth iddo ddechrau ar ei ail gyfnod fel caplan Ynys Enlli (23-30/6). Boed bendith.

YN ANAD UN (20) ATEB

June 21, 2018 Owain Evans

Deuteronomium 16:9 gan mai honno yw’r unig sydd yn cyfeirio at ‘wythnos’. Mae’r adnodau eraill i gyd yn sôn am ‘diwrnod’.

YN ANAD UN (20)

June 21, 2018 Owain Evans

Pos wythnosol.

Ffordd hawdd a hwyliog i ehangu ein gwybodaeth Feiblaidd.

Daw'r ateb tua 21:30

Pa adnod NAD sydd yn perthyn i’r gweddill, a pham?

MINNY’D (38) PLANT DUW YDYM

June 20, 2018 Owain Evans

‘Minny'd’?

Myfyrdod sydyn syml yw 'Minny'd'.

Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.

'YMLAEN': Y SUL A'R WYTHNOS NEWYDD

June 15, 2018 Owain Evans

Sul y Tadau a phlymio gwnawn i ddyfnderoedd yr Hen Destament! Absalom a’i dad, Dafydd fydd testun sylw Owain yn homili ein Hoedfa Foreol (10:30; 2 Samuel 18:18). Cynhelir Ysgol Sul. Liw nos yn ein Hoedfa Hwyrol (18:00) bydd Owain yn ein harwain i 2 Brenhinoedd 6. Bydd cwestiwn y gwas i Eliseus: O feistr, beth a wnawn ni? (adnod 15) yn gyfrwng i ystyried gwir hyd a lled gofal Duw amdanom fel Tad. Boed bendith.

Bydd y gymdeithas yn parhau yn Koinônia: swper blasus a sgwrs ddifyr mewn bwyty Eidalaidd cyfagos.

Koinônia amser cinio dydd Mercher (20/6): Mae ‘na fwy i bryd o fwyd o gwmpas bwrdd na bodloni’r archwaeth am fwyd. Mae’n gyfle i rannu syniadau, i drafod, i gymdeithasu a dod i nabod ein gilydd yn well. Dyna sy’n digwydd yn y Koinônia misol.

Bore Gwener (22/6; 10:00): ‘Llynyddwch’. Paned wrth ymyl llyn llonydd y Rhath. Yn Terra Nova cawn gyfle i drafod, fesul pennod, llyfr Samuel Wells: How then shall we live (Canterbury, 2016). Echel ein trafodaeth fore Gwener fydd Ecology (t.30-36).