Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb am 20:30.
Pa adnod/adnodau NAD sydd yn perthyn i’r gweddill, a pham?
MINNY’D (21): “IMI GAEL TALU’N ÔL IDDYNT”
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
'BETHANIA' - POBL YR HEN DESTAMENT
NAOMI
Ruth 1: 2-5, 20-22 a 4:13-17
Mewn ychydig adnodau mae Naomi’n cael ei stripio o bopeth sydd yn annwyl ganddi: ei gwreiddiau ym Methlehem Jwda, ei gŵr Elimelech, a’i meibion Mahlon a Chilion. Yn ei galar mae’n penderfynu mynd yn ôl i’w chynefin at ei theulu a’i phobl. Nid oedd diben bellach aros yn Moab. Daeth y ddwy ferch-yng-nghyfraith, Orpa a Ruth, i’w dilyn.
Yn yr ychydig eiriau cyntaf (Ruth 1:8), dymuniad Naomi yw danfon Orpa a Ruth i ffwrdd ... ar iddynt fynd a gadael llonydd iddi yn ei gofid a’i galar. Merched-yng-nghyfraith - maent yn ei hatgoffa o’r gŵr a’r meibion a gollwyd ganddi. Bron y gellid dweud fod y ddwy fel halen yn y briw. Y tro nesaf mae Naomi’n siarad, ar ôl i Orpa a Ruth ddangos eu cariad a’u consyrn amdani a throsti, daw Naomi’n fam o’r newydd, yn pryderu am les a dyfodol y ddwy. Nid merched-yng-nghyfraith ydynt mwyach ond merched.
Trodd Orpa yn ôl tua Moab at ei phobl. Mae Ruth yn mynnu aros. Wedi cyrraedd Bethlehem, cafodd Naomi groeso cynnes gan ei chymdogion. Fel ateb i’w cwestiynau meddai, "Peidiwch â’m galw’n Naomi (Hyfrydwch), galwch fi’n Fara (Chwerwedd); oherwydd bu’r Hollalluog yn chwerw iawn wrthyf. Yr oeddwn yn llawn wrth fynd allan, ond daeth yr Arglwydd a mi’n ôl yn wag" (Ruth 1: 20-21).
Sylwch yn ofalus ar y geiriau olaf. Mae’r frawddeg yn dechrau gyda Naomi, "Yr oeddwn ...", ond yn gorffen gyda’r Arglwydd yn ei harwain adref. Mae’r boen mor real ag erioed, mae ganddi gant a mil o gwestiynau heb eu hateb ond mae’n gwybod at bwy i daflu’r cwestiynau; mae’n gwybod ar bwy i sgrechian ei phoen a’i dolur - y Duw hwn a’i harweiniodd adref. Wedi cyrraedd Bethlehem, mae taith arall ond yn megis dechrau i Naomi, y daith o Chwerwedd yn ôl i Hyfrydwch.
- Yng nghyd-destun stori Naomi, trafodwn y geiriau: Ni fu neb erioed mor isel na chai afael yn ei law.
- Beth yw eich barn am sylw Evelyn Underhill: No Christian escapes a taste of the wilderness on the way to the Promised Land
'YMLAEN': Y SUL A'R WYTHNOS NEWYDD
Gwyn eu byd y rhai pur o galon: canys hwy a welant Dduw.
Gwyn eu byd y tangnefeddwyr: canys hwy a elwir yn blant i Dduw.
Edrychwn ymlaen at Sul llawn ac amrywiol ei fendithion gan ddechrau gydag Oedfa i’r Teulu am 10:30. Bydd paned a nwyddau Masnach Deg yn y Festri wedi’r Oedfa. Liw nos, yn yr Oedfa Hwyrol bydd ein Gweinidog yn parhau â’r gyfres o bregethau yn seiliedig ar Wynfydau Efengyl Mathew. Gan aros gyda’r pwyslais fod trefn y Gwynfydau yn ogystal â’u cynnwys yn bwysig bydd y bregeth hon yn echelu ar y syniad mai cwpled ysbrydol yw gwynfydau 6 a 7 (Mathew 5:8,9). Sut ellid cyfuno purdeb calon a thangnefedd? Cawn yr ateb gan Iago! Wrth y bwrdd cawn gyfle i gydymdeimlo â’r galarus, a chofio’r aelodau hynny sy’n methu a bod gyda ni, gan bellter ffordd, cystudd neu henaint. Eto, bydd paned a nwyddau Masnach Deg yn y Festri wedi’r Oedfa.
Nos Lun (5/2; 19:00-20:30) PIMS.
Nos Fawrth (6/2; 19:30-20:30): ‘Bethania’. Echel ein trafodaeth eleni yw ‘Pobl yr Hen Destament’. Parhawn gyda NAOMI (Ruth 1: 2-5, 20-22 a 4:13-17). Darperir nodiadau ‘Bethania’ rhag blaen ar y wefan hon bore dydd Llun.
YN ANAD UN (3) ATEB
Salm 78:26
Mae’r gweddill yn cyfeirio at y rhif pedwar: pedair ochr, pedair congl a phedwar gwynt.
YN ANAD UN (3)
Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb am 20:30.
Pa adnod/adnodau NAD sydd yn perthyn i’r gweddill, a pham?
MINNY’D (20): Salm 52, Doeg yr Edomiad a'r ‘frawddeg anghyflawn’.
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
'YMLAEN': Y SUL A'R WYTHNOS NEWYDD
Dros y Sul, ein braint fel eglwys fydd cael gwrando cenadwri a derbyn arweiniad gan y Parchedig Dyfrig Rees (Pen-y-bont ar Ogwr). Gwyddom y cawn ganddo bregethu meddylgar a phregethau buddiol a bendithlawn. Yn ôl ein harfer, bydd yr Oedfa Foreol am 10:30. Cynhelir yr Ysgol Sul, a bydd ein plant a phlantos yn dechrau ymdrin â llwybr Iesu i’r groes a’r Pasg. Parhawn i barchu gorchymyn Iesu, Portha fy ŵyn, a’n llafur yn ddiarbed i hyfforddi ein plant a phobl ifanc. Bydd yr Oedfa Hwyrol am 18:00. Gweddïwn am wenau Duw ar Oedfaon y Sul.
Nos Lun (29/1; 19:30): ‘Genesis’. Awr fach hamddenol yn y festri: defosiwn syml yn arwain at fymryn o waith llaw syml a buddiol.
Cymdeithas Ddiwylliannol Eglwys Minny Street, (30/1; 19:30 yn y Festri): "O Lwyn yr Eos, iLovesthediff, Mapio’r Gaerdydd Danddaearol" yng nghwmni Dr Dylan Foster Evans
Babimini bore Gwener (2/2; 9:45-11:15 yn y Festri): gwên, a chroeso, cwmni a phaned i’r rhieni; ac i’r plantos: hwyl a chân, chwarae a chwerthin. Gorffwysed bendith ar Fabimini. ‘Rydym yn ddyledus i’r rheini sy’n rhoi o’u hamser i gynnal y fenter bwysig hon.
