Beth a roddaf iddo,

llwm a thlawd fy myd?

Pe bawn fugail rhoddwn iddo

orau’r praidd i gyd;

pe bawn un o’r doethion

gwnawn fy rhan yn ddigoll:

ond pa beth a roddaf?

Fy mywyd oll

(Christina Rossetti, 1830-94 cyf. Simon B. Jones, 1894-1964 CFf.:466)

Caspar, Melchior a Balthasar.

Aur, thus a myrr.

Aur i’r brenin.

Thus i Dduw mewn cnawd.

Myrr i’r dioddefydd.

Yn y tri hyn, AUR, MYRR a THUS gwelir Fy mywyd oll.

Canolbwynt ein defosiwn heddiw fydd THUS.

THUS - Frankincense - incense - arogldarth.

... ym mhob man offrymir arogldarth ac offrwm pur i’m henw ... (Malachi 1:11a)

Mae AUR yn cynrychioli trysor, llwyddiant a bendith.

Mae MYRR yn cynrychioli colled, poen a hiraeth.

Gall THUS gynrychioli’r arferol; cyffredinedd beunydd beunos.

Felly, i ddechrau ymdawelwn, ymlonyddwn gan ganolbwyntio ar bresenoldeb Duw...

Ystyriwn THUS ein byw a’n profiad:

Codi’r bore...

Paned, papur, pader...

Paratoi bwyd, golchi llestri...

Cerdded y ci...

Cadw tŷ

Gofynion...

Gweithio...

Gofalu...

Gweini...

Gwarchod...

Gwasanaethu...

Teulu, cyfeillion, cymdogion...

Cynhaliaeth a chydymdeimlad...

Haelioni a llawenydd...

Tensiwn a blinder.

Noswylio...

Ffydd...

Gobaith...

Cariad...

Boed Duw yn agos atom, a’i gwmni'n gymorth i fyw.

Bydded fy ngweddi fel arogldarth o’th flaen ... (Salm 141: 2a).

(OLlE)