Beth a roddaf iddo,

llwm a thlawd fy myd?

Pe bawn fugail rhoddwn iddo

orau’r praidd i gyd;

pe bawn un o’r doethion

gwnawn fy rhan yn ddigoll:

ond pa beth a roddaf?

Fy mywyd oll

(Christina Rossetti, 1830-94 cyf. Simon B. Jones, 1894-1964 CFf.:466)

Caspar, Melchior a Balthasar.

Aur, thus a myrr.

Aur i’r brenin.

Thus i Dduw mewn cnawd.

Myrr i’r dioddefydd.

Canolbwynt ein defosiwn heddiw fydd MYRR. Awn rhagom yfory i ystyried THUS. Yn y tri hyn, AUR, THUS a MYRR gwelir Fy mywyd oll.

Ar ôl hyn, gofynnodd Joseff o Arimathea ganiatâd gan Pilat i gymryd corff Iesu i lawr. Yr oedd Joseff yn ddisgybl cudd, gan fod ofn yr Iddewon arno. Rhoddodd Pilat ganiatâd, ac felly aeth Joseff i gymryd y corff i lawr. Aeth Nicodemus hefyd, y dyn oedd wedi dod at Iesu y tro cyntaf liw nos, a daeth ef â thua chan pwys o fyrr ac aloes yn gymysg (Ioan 19:38,39).

Yn lled gyffredinol, mae MYRR yn cynrychioli colled, poen a hiraeth.

Felly, i ddechrau ymdawelwn, ymlonyddwn gan ganolbwyntio ar bresenoldeb Duw...

Ystyriwn FYRR ein byw a’n profiad:

Sioc...

Siom...

Unigrwydd...

Gwacter...

Amheuaeth...

Ansicrwydd...

Anobaith...

Teulu, cyfeillion, cymdogion...

Pob cysur a chymorth i fyw...

Ymorffwys...

Ymglywed...

Ymroi...

Ffydd...

Gobaith...

Cariad...

Boed Duw yn agos atom, a’i gwmni yn ddiddanwch.

... a moes dy law i mi’r eiddilaf un,

ac arwain fi i mewn i’th fyd dy hun.

(George Rees, 1873-1950; CFf.:541)

(OLlE)