Anfonodd hwy i Fethlehem gan ddweud, "Ewch, a chwiliwch yn fanwl am y plentyn, a phan fyddwch wedi dod o hyd iddo, rhowch wybod i mi er mwyn i minnau hefyd fynd i’w addoli." (Mathew 2:8 BCN)
Herod
Palas - ysblennydd.
Cerlannau - y marmor drutaf.
Gerddi - cymen.
Ond tlawd yw’r palas hwn, gwan; afler.
Adeiladwyd y cyfan oll ar wyneb pwll o wenwyn.
Ffiaidd ydyw iddynt.
Hanner Iddew - hanner Iddew nid yw’n Iddew o gwbl.
Caseir ef am yr hyn oll nad ydyw, ac am yr hyn oll ydyw.
Mae fy meistr yn debyg i garreg galch fy hen gynefin: cerfiwyd ef gan symud cyson y gwenwyn sy’n llifo bob dydd trosto, amdano, trwyddo, ynddo - nes creu ohono frenin sy’n arswydo rhag baban yn ei grud.
(OLlE)
