Dros y Sul, (10:30 a 18:00) ein braint fel eglwys fydd cael gwrando cenadwri a derbyn arweiniad gan y Parchedig Beti-Wyn James (Caerfyrddin). Gwyddom y cawn ganddi bregethu meddylgar a phregethau buddiol a bendithlawn. Ni chynhelir yr Ysgol Sul. Gweddïwn am wenau Duw ar Oedfaon y Sul.
Byddwn fel eglwys yn gyfrifol am baratoi a gweini te i’r digartref yn y Tabernacl prynhawn Sul am 14:30.
29/10: Bore (10:30-12:00) a Noson (19:00-21:00) Siopa Masnach Deg yng nghartref Dianne ac Andrew. Bydd bwydydd tymhorol, cardiau Nadolig, crefftau, teganau a llawer mwy ar gael!
Cymdeithas Ddiwylliannol Eglwys Minny Street (30/10; 19:30): "Anturiaethau ym myd Barddoniaeth" yng nghwmni Elinor Wyn Reynolds (yn y Festri).
Taith Gerdded Sain Ffagan bore Mercher (31/10; 10:00-13:30). Manylion llawn yng nghyhoeddiadau’r Sul.