O Dduw y mae cariad, ac y mae pob un sy’n caru wedi ei eni o Dduw ac yn adnabod Duw. Yr hwn nad yw’n caru, nid yw’n adnabod Duw, oherwydd cariad yw Duw. Yn hyn y dangoswyd cariad Duw tuag atom: bod Duw wedi anfon ei unig Fab i’r byd er mwyn i ni gael byw drwyddo ef (1 Ioan 4:7-9).
Dydd Sant Ffolant - St Valentine’s Day. Ni wyddom pwy oedd Valentine ond ceir sawl chwedl amdano. Mae un o’r storïau’n dweud mai esgob oedd mewn cyfnod pan oedd yr ymherodr Rhufeinig yn llunio deddf i wahardd unrhyw filwr Rhufeinig rhag priodi. Credai’r ymherodr na fyddai ei filwyr yn ymladd eu gorau, yn ei ryfeloedd niferus, os oedden nhw’n ofni marw mewn brwydr oherwydd eu cariad mawr tuag at eu gwragedd a’u teuluoedd.
Dywed y stori bod yr Esgob Valentine wedi cyhoeddi fod deddf yr ymherodr yn anghyfiawn - ‘roedd gan ferched a dynion hawl i briodi a magu teuluoedd. Dechreuodd milwyr fynd i siarad â’r esgob a threfnodd eu priodi y tu ôl i ddrysau caeedig. Clywodd yr ymherodr am hyn ond safodd Valentine yn ddewr wrth amddiffyn ei hun o’i flaen. Rydw i wedi addo gwasanaethu Duw sy’n ein caru ni ac rydw i’n ufuddhau i’w ddeddf ef. Yn ôl y chwedl, taflwyd yr Esgob Valentine i garchar lle bu farw ar y diwrnod hwn.
O! Dduw, boed i’th gariad ddysgu ein cariad ninnau. Gwna ni’n gyfrangau dy deyrnas o gariad er mwyn Iesu Grist. Amen.
(OLlE)
