Heddiw, yn 1997, bu farw'r Fam Teresa (g.1910).

‘Rhaid i ni fod yn barod bob amser i dderbyn, i faddau, i garu, ac i sicrhau ein bod yn deall beth a olyga Duw pan ddywed: Yn wir, rwy’n dweud wrthych, yn gymaint ag i chi ei wneud i un o’r lleiaf o’r rhain, fy mrodyr, i mi y gwnaethoch (Mathew 25:45). Wnawn ni byth wybod faint yn union o ddaioni gall gwên fach ei wneud. Dywedwn wrth bobl mor garedig, mor faddeugar, mor llawn o gydymdeimlad yw Duw, ond a ydym ni yn brawf byw o hyn? A allant, mewn gwirionedd, weld y caredigrwydd hwn, y maddeuant hwn, y cydymdeimlad hwn yn fyw ynom ni?

Byddwch garedig a thrugarog. Na foed i neb ddod atoch heb ffarwelio’n teimlo'n well a hapusach. Byddwch yn fynegiant byw o garedigrwydd Duw - caredigrwydd yn eich gwedd, caredigrwydd yn eich llygaid, caredigrwydd yn eich gwên, caredigrwydd yn eich cyfarchiad cynnes. Yn y slymiau, goleuni caredigrwydd Duw ydym i’r tlodion. I blant, i’r tlawd, i bawb sy’n dioddef neu’n unig, rhowch wên lawen bob amser. Rhowch iddynt, nid yn unig eich ymgeledd, ond eich calon.’

(Words to Love by. Ave Maria Press; 1983)

Dod i mi galon well bob dydd

a’th ras yn fodd i fyw

fel bo i eraill trwof fi

adnabod cariad Duw.

Amen.

Eifion Wyn (1867-1926. CFf.681)

(OLlE)