Tra ein bod wrthi yn sicrhau trefniadau i fedru ail-ddechrau cyfarfod i addoli fel cynulleidfa yng nghapel Minny Street, yn unol â chanllawiau diweddaraf Llywodraeth Cymru a chyrff crefyddol, parheir gyda’r trefniant sydd yn ein galluogi, am 10:30 bob bore Sul, i “gyd-addoli” yn ein cartrefi drwy gyfrwng y taflenni a baratowyd gan ein Gweinidog.

Yn y cyfamser, parheir hefyd i agor y capel ar gyfer gweddi bersonol o fewn amser penodol ar fore Sul yn unol â’r wybodaeth mewn taflen a ddosbarthwyd i’r aelodau.

I’r rheini sydd â chyfrif trydar, fe’ch atgoffir bod yna faeth ysgrythurol ac ysbrydol, ynghyd ag ambell gamp ddeallusol, yn cael eu huwchlwytho i @minnystreet.