Cynhaliwyd heddiw, yng Nghanolfan Gymunedol yr Eglwys Newydd, Te Pnawn a oedd llawn cystal ag Afternoon Tea at The Ritz. Pnawn braf o Haf; cwmni bychan ond diwyd wedi bod yn drwyadl eu paratoadau: Bara Brith, pice bach, sgons hufen tolch a jam, teisennau bychan siocled, amrywiol frechdanau blasus a ffrwythau; y cyfan oll wedi ei weini’n gymen i lond ystafell o bobl - ifanc, hŷn, a’r hynaf heddiw yn 90 ymhen ychydig ddyddiau! Gan fod sawl pen-blwydd wedi, ac ar fin digwydd 'roedd yn rhaid canu ‘Pen-blwydd Hapus’ i 7 o’r cwmni! Cafwyd pnawn o gwmnïa braf, ac wrth fod y byrddau dechrau gwacau a hwyl y pnawn yn tawelu mymryn, dyma lond bwrdd o blant a phobl ifanc yr eglwys yn cyrraedd … a’r hwyl eto’n fwrlwm!
Diolch i bawb a fu ynglŷn â’r trefnu, paratoi a gweini.
Codwyd dros £550 i elusen yr Eglwys eleni: Beic i Bawb - Pedal Power.
