Dyro i ni, O! Dduw, weledigaeth o’n gwlad fel y gallasai fod.

Gwlad cyfiawnder, lle ni niweidia neb ei gymydog, a gwlad lle nad yw drygioni yn llygru nac yn tlodi pobl.

Gwlad brawdgarwch lle y sefydlir llwyddiant ar sail gwasanaeth, ac anrhydedd ar deilyngdod.

Gwlad heddwch, lle y gorffwys trefn ar gariad ac nid ar rym arfau.

Clyw, O! Arglwydd, weddi ddistaw ein calonnau y daw’r dydd y bydd harddwch, cyfiawnder a thangnefedd yn nodweddion bywyd y cenhedloedd. Amen