Salm 9:18
Mae’r adnod hon yn sôn am y ‘tlawd a’r anghenus’ tra bod y gweddill yn sôn am estyn ‘cymorth’.
YN ANAD UN (15)
Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb tua 21:30
Pa adnod NAD sydd yn perthyn i’r gweddill, a pham?
MINNY’D (33) WYTHNOS CYMORTH CRISTNOGOL
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
'YMLAEN' - Y SUL A'R WYTHNOS NEWYDD
Edrychwn ymlaen at yr Oedfa Foreol Gynnar dan arweiniad Owain (13/5 am 9:30 yn y Festri). ‘5kg’ fydd thema’r Oedfa hon! Dewch â chroeso i gael deall mor bwysig yw’r ‘5kg’ i fywyd, cenhadaeth a gwasanaeth yr eglwys leol. Bydd cyfle i gyfrannu tuag at GYMORTH CRISTNOGOL yn oedfaon y dydd a bydd hefyd cyfle i gyfrannau nwyddau tuag at Fanc Bwyd Caerdydd. Bydd brecwast bach a nwyddau Masnach Deg yn y Festri rhwng y ddwy Oedfa Foreol.
Yn yr Oedfa Foreol (10:30) cawn dystio i fedydd Nel. Yn homili’r Gweinidog cawn gyfle i ystyried y cwestiwn oesol gyfoes, bythol newydd: A oes gair oddi wrth yr Arglwydd? (Jeremeia 37:17). Bydd cyfle eto i gyfrannu tuag at Gymorth Cristnogol yn yr Oedfa hon a bydd hefyd cyfle i gyfrannau nwyddau tuag at Fanc Bwyd Caerdydd.
Ein braint pnawn Sul (14:30), fel eglwys, fydd cael bod yn gyfrifol am baratoi te i’r digartref yn y Tabernacl, yr Âis.
Liw nos, am 18:00; da fydd ymuno yng Ngŵyl Bregethu Eglwys y Crwys (Heol Richmond). Pregethir gan y Parchedig Marcus Robinson (Caernarfon). Ni fydd Oedfa Hwyrol ym Minny Street. Hyfrydwch, fel eglwysi’r ddinas, yw cael y cyfle i gyd-addoli a chyd-dystio. Duw a fo’n blaid i ni gyd yn ein gweinidogaeth.
Bydd ein Diaconiaid yn cwrdd nos Lun. Gofynnwn am arweiniad Duw wrth edrych a threfnu i’r dyfodol.
Dydd Iau (17/5; 10:30 -13:00): Taith Gerdded yn ardal Llandaf (manylion yng nghyhoeddiadau'r Sul).
Babimini bore Gwener (18/5; 9:45-11:15 yn y Festri): gwên, a chroeso, cwmni a phaned i’r rhieni; ac i’r plantos: hwyl a chân, chwarae a chwerthin. Gorffwysed bendith ar Fabimini. ‘Rydym yn ddyledus i’r rheini sy’n rhoi o’u hamser i gynnal y fenter bwysig hon.
MINNY’D (32) DYDD IAU DYRCHAFAEL
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
YN ANAD UN (14) ATEB
Hebreaid 2:8
Mae’r adnod hon yn sôn am ‘ddarostwng’ tra bod y gweddill yn sôn am ‘ddyrchafu’.
YN ANAD UN (14)
Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb tua 21:00
Pa adnod NAD sydd yn perthyn i’r gweddill, a pham?
'YMLAEN': Y SUL A'R WYTHNOS NEWYDD
Sgwâr bychan o bapur; cylch enfawr cariad Duw a hunllef ein Gweinidog! Dewch â chroeso i’r Oedfa Deulu bore Sul (10:30) i weld a deall y cysylltiad rhwng y tri pheth â’i gilydd!
Rhwng 12:00 a 13:30 cynhelir ein Cinio Elusennol er budd Cymorth Cristnogol a Masnach Deg. Diolch i bawb a fu ynglŷn â’r trefnu.
Liw nos am 18:00, Oedfa Gymundeb. Echel myfyrdod Owain Llyr fydd celfydd dau arlunydd, Vincent van Gogh a ... Duw. Cawn dystio i fedydd William a Lilian. Wrth y Bwrdd, cawn gyfle i gydymdeimlo â’r galarus yn ein plith, a chofio’r aelodau hynny sy’n methu a bod gyda ni, gan bellter ffordd, cystudd neu henaint. Boed bendith.
Bydd paned a nwyddau Masnach Deg yn y Festri wedi’r Oedfa.
Nos Lun (7/5; 19:00-20:30) PIMS.
Koinônia amser cinio dydd Mercher (9/5): Mae ‘na fwy i bryd o fwyd o gwmpas bwrdd na bodloni’r archwaeth am fwyd. Mae’n gyfle i rannu syniadau, i drafod, i gymdeithasu a dod i nabod ein gilydd yn well. Dyna sy’n digwydd yn y Koinônia misol.
Nos Iau (10/5) Cyngor Eglwysi Cymraeg Caerdydd; (19:30-20:30) Oedfa Cymorth Cristnogol yng Nghapel Salem, Treganna dan arweiniad Cynan Llwyd.
