'ANGEL AG ADNOD' ADFENT Y TEULU (21)

December 19, 2015 Owain Evans

Chwiliwch heddiw am yr angel hwn a'r adnod hon:

BABIMINI - SIÔN CORN!

December 18, 2015 Owain Evans

Cwmni bychan, ond dedwydd ddaeth ynghyd heddiw i Babimini. Cafodd y rhieni hwyl a chwmni, sgwrs a phaned; a’r plantos hwyl a chân, chwarae a chwerthin a heddiw: ymweliad ac anrheg fechan gan Siôn Corn. Gorffwysed bendith ar Babimini. ‘Rydym wir yn ddyledus i’r rheini sy’n rhoi o’u hamser i gynnal y fenter bwysig hon.

'ANGEL AG ADNOD' ADFENT Y TEULU (20)

December 18, 2015 Owain Evans

Chwiliwch heddiw am yr angel hwn a'r adnod hon:

METHIANT A LLWYDDIANT

December 17, 2015 Owain Evans

Golygydd Sgriptiau Gomedi’r BBC 1974:

I’m afraid I thought this was as dire as its title ... a collection of cliches and stock characters which I can’t see being anything but a disaster.

Enw’r rhaglen? Fawlty Towers gan John Cleese a Connie Booth - yr enwocaf o’r sitcoms!

Dyma ymateb RSO Records i gerddoriaeth Paul David Hewson a’i fand ... we have listened to your music with careful consideration, but feel it is not for us at present.

Adwaenir Mr Hewson bellach fel Bono; a’r band yw U2.

Cafodd gŵr ifanc y sack o’i waith fel newyddiadurwr.

Do wir. A beth oedd y rheswm am hynny? Ei ddiffyg dychymyg.

Pwy oedd y gŵr ifanc hwnnw?

Walt Disney.

Wedi screen test, meddai’r cyfarwyddwr am un ymgeisydd: Can’t act. Slightly bald. Can dance a little.

Pwy oedd yr ymgeisydd aflwyddiannus?

Fred Astaire

Mynnai’r athro fiolín nad oedd dyfodol cerddorol i'r gŵr ifanc hwn (Ganed ef ym mis Rhagfyr 1770, ac yntau oedd man cychwyn y Munud i Feddwl hon)

Pwy oedd y disgybl hwnnw tybed?

Ludwig van Beethoven.

Mae’r flwyddyn galendr yn dirwyn i ben. Bu hon, fel pob blwyddyn, yn gymysgedd o lwyddo a methu, ennill a cholli, siom a balchder iach. Wrth ystyried y llwyddiannau, cofiwn nad pluen mewn het mo llwyddiant, ond pluen mewn saeth. Boed i ti, fi a ni, oherwydd bob llwyddiant hedfan yn uwch a phellach nag y buom erioed o’r blaen, er clod a gogoniant i Dduw.

Bu sawl methiant, colled a siom hefyd, ond, mae pob siomi, colli a methu yn gyfle i ddechrau o’r newydd; a phob dechreuad newydd yn gyfle i ddechrau o’r newydd yn gallach mewn gwasanaeth a gweinidogaeth.

Er i’m calon a’m cnawd ballu, eto mae Duw yn gryfder i’m calon ac yn rhan imi am byth (Salm 73:26).