Diolch i bawb a ddaeth ynghyd heno i ‘Minny Street a Diwali’: Goleuadau; Rama, Sita, Jeremeia 4; troi ‘tua chodiad haul’ (Numeri 21:11). Diolch i Horatius Bonar 774/ W Rhys Nicholas 222 a Gwynn ap Gwilym (Ti, Arglwydd y goleuni/sy’n troi y nos yn wawr’) am alw fewn i estyn cymorth.
Y SUL
Oedfaon y dydd yfory dan arweiniad y Parchedig Jeff Williams.
09:30 Oedfa Foreol ac Ysgol Sul (Darpariaeth Zoom); Oedfa Hwyrol am 18:00
Dewch/ymunwch â chroeso. Boed bendith.
EIN SIOE FFASIWN
Noson hynod lwyddiannus i godi arian i Huggard, Banc Bwyd Caerdydd a Cwtsh. Diolch i’r pedair model. Diolch enfawr i Calon Rhiwbeina ag i Jean Salisbury am gyd-lynu'r cyfan.
YR IESU A WYLA
Wythnos yn ôl (14/10) nodwyd pen-blwydd y danchwa ym Mhwll yr ‘Universal’ yn Senghennydd (1913): lladdwyd 439 o bobl. Heddiw, nodir treigl 56 mlynedd ers llithro rhan o’r domen lo yn Aberfan, a dinistrio tai a chladdu rhan o Ysgol Pant-glas. Lladdwyd 116 o blant a 28 o oedolion.
CAFFI CELF #3
Bore heddiw, Caffi Celf: 'Atgyfodiad’ Alma Thomas ac Anneke Kaai; y Crist Cosmig gan Marian Bohusz-Szyszko; ‘Room for Hope’ gan Seyed Alavi i orffen. Perthyn i bob un ei lif a’i symud; llif yn symud ni trwy anobaith i obaith, trwy amheuaeth i ffydd. Trafod; dysgu; cymdeithasu.
Y GYMDEITHAS
Cymdeithas Ddiwylliannol Eglwys Minny Street: Emlyn Davies yn cyflwyno 'Hanes Dau Gymro': Coch Bach y Bala a Cochfarf.
Am stori ddifyr a noson dda!
Diolch i Emlyn ac i bawb a fu ynglŷn a threfnu a chynnal y cyfarfod
EGLWYS LLANFAIR, PENRHYS
Eglwys Minny Street yn derbyn ymweliad gan gwmni o ffyddloniaid Eglwys Llanfair, Penrhys heddiw; derbyn bendith ac arweiniad ganddynt o'r ieuangaf i'r hynaf: dyma eglwys ar waith yn, trwy a gyda'i phobl.
Mawr ddiolch i bawb.
Y SUL
Bore ‘fory am 9:30, ‘Cydio yn ‘Na’’ (Mathew 5:37).
Cynhelir Ysgol Sul.
Edrychwn ymlaen i groesawu atom cyfeillion o Eglwys Llanfair, Penrhys yn ystod y prynhawn. Diolch am bob cymorth.
Liw nos am 18:00 (Z), ‘Gollwng y Gofynod’ (Salm 4:6).
Dewch/ymunwch â chroeso
