‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
YN ANAD UN (19) ATEB
Salm 72:7 gan mai honno yw’r unig sydd yn cyfeirio at y lleuad. Mae’r adnodau eraill i gyd yn sôn am yr haul.
YN ANAD UN (19)
Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb tua 21:30
Pa adnod NAD sydd yn perthyn i’r gweddill, a pham?
'YMLAEN': Y SUL A'R WYTHNOS NEWYDD
Edrychwn ymlaen at yr Oedfa Foreol Gynnar dan arweiniad Owain (10/6 am 9:30 yn y Festri). ‘Pensiliau’ fydd thema’r Oedfa hon! Dewch â chroeso i gael deall mor bwysig yw’r ‘pensil’ i fywyd, cenhadaeth a gwasanaeth yr eglwys leol. Yn wir, dewch â phensil gyda chi i’r Oedfa arbennig hon! Bydd cyfle i gyfrannau nwyddau tuag at Fanc Bwyd Caerdydd. Bydd brecwast bach a nwyddau Masnach Deg yn y Festri rhwng y ddwy Oedfa Foreol.
Yr Oedfa Foreol (10:30): yn homili’r Gweinidog cawn gyfle i ystyried gyda’n gilydd pwysigrwydd y cychod eraill (Marc 4:36). Bydd Owain yn trafod: 1. Beth oedd y cychod eraill. 2. Pwy oedd yn y cychod eraill, ac yn olaf, Pam oedd angen y cychod eraill hyn. Cynhelir Cwrdd Eglwys wedi’r Oedfa.
Liw nos, am 18:00 bydd Owain yn ei bregeth yn cymharu’r Beibl â llyfrau coginio! Bydd ei bregeth yn tynnu ar Job 38:1-18 ac Ioan 6:41-45. Boed bendith.
Babimini bore Gwener (15/6; 9:45-11:15 yn y Festri): gwên, a chroeso, cwmni a phaned i’r rhieni; ac i’r plantos: hwyl a chân, chwarae a chwerthin. Gorffwysed bendith ar Fabimini. ‘Rydym yn ddyledus i’r rheini sy’n rhoi o’u hamser i gynnal y fenter bwysig hon.
YN ANAD UN (18) ATEB
Eseia 22:15 gan mai honno yw’r unig un nad sydd yn cyfeirio ar ‘Ysgrifennydd’.
YN ANAD UN (18)
Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb tua 21:30
Pa adnod NAD sydd yn perthyn i’r gweddill, a pham?
MINNY’D (36) HAD DA
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn
'YMLAEN': Y SUL A'R WYTHNOS NEWYDD
Edrychwn ymlaen at y Sul nesaf; Sul llawn, ac amrywiol ei fendithion: Yn ein Hoedfa Deulu (10:30) cawn dystio i fedydd Gruffudd. Wrth y bwrdd Cymundeb cawn gyfle i gydymdeimlo â’r galarus yn ein plith, a chofio’r aelodau hynny sy’n methu a bod gyda ni, gan bellter ffordd, cystudd neu henaint.
Er nad yw plant yn cymuno yn eglwys Minny Street, mae’n fwriad gennym fod y plant a’r plantos yn dysgu beth yw arwyddocâd y ddefod hon. I wneud hynny, rhaid iddynt ddeall beth sydd yn digwydd, ac o’r herwydd symleiddiwyd yr eirfa ac addaswyd y delweddau’r mymryn lleiaf i gynnwys, addysgu a pharatoi’r ifanc yn ein plith.
Bydd paned a nwyddau Masnach Deg yn y Festri wedi'r oedfa.
Ein braint pnawn Sul (14:30), fel eglwys, fydd cael bod yn gyfrifol am baratoi te i’r digartref yn y Tabernacl, yr Âis.
Liw nos am 18:00, Oedfa Hwyrol. Echel myfyrdod Owain Llyr fydd dwy adnod; y naill yn gyfarwydd: Gwisgwch amdanoch yr Arglwydd Iesu (Rhufeiniaid 13:14). Y llall yn anghyfarwydd: Diosg gwisg dy alar a’th adfyd, a gwisgo am byth harddwch y gogoniant sy’n tarddu o Dduw. (Baruch 5:1). Cawn gyfle i ystyried yn benodol nawr am ddau fath o wisg sydd yn rhaid diosg os ydym yn hytrach i wisgo mantell y cyfiawnder sydd o Dduw. (Baruch 5:2). Boed bendith.
Bydd ein Diaconiaid yn cwrdd nos Lun. Gofynnwn am arweiniad Duw wrth edrych a threfnu i’r dyfodol.
Koinônia amser cinio dydd Mercher (6/6): Mae ‘na fwy i bryd o fwyd o gwmpas bwrdd na bodloni’r archwaeth am fwyd. Mae’n gyfle i rannu syniadau, i drafod, i gymdeithasu a dod i nabod ein gilydd yn well. Dyna sy’n digwydd yn y Koinônia misol.
6-9/6 Cyfarfodydd Blynyddol Undeb yr Annibynwyr Cymraeg, Aberaeron. Eglwysi Cyfundeb Ceredigion sydd yn croesawu prifwyl yr enwad eleni. O ystyried yr anawsterau a’r cyfrifoldeb sydd ynglŷn â chynnal y cyfarfodydd blynyddol, mae eglwysi Ceredigion i’w canmol am gwblhau’r trefniadau rhag blaen â’r fath raen. Dylid diolch i’r Ysgrifennydd Cyffredinol a Gweinyddol, ac i staff yr Undeb, un ac oll, am eu gwaith gan weddïo am fendith Duw ar y cyfarfodydd pwysig hyn.
