‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
'YMLAEN': Y SUL A'R WYTHNOS NEWYDD
Wedi meddwi y maent (Actau 2:13). Gwin sylweddol y Pentecost! Moddion i oes a gyffuriwyd yn rhy hir gan plonc hunanfoddhad a chysgadrwydd.
Yn Oedfa Foreol y Sulgwyn (10:30) bydd homili’r Gweinidog yn gwrthgyferbynnu sŵn a bwrlwm cofnod Luc o’r Pentecost (Luc 2:1-13) â chofnod tawel Ioan (20:9-23). Bydd y cyfan yn echelu ar y eiriau Iesu: ... anadlodd arnynt a dweud: "Derbyniwch yr Ysbryd Glân" (Ioan 20:22) a geiriau’r Salmydd (Salm 51:11): Paid â’m bwrw ymaith oddi wrthyt, na chymryd dy ysbryd sanctaidd oddi arnaf.
Cynhelir yr Ysgol Sul.
Edifarhewch, a bedyddir pob un ohonoch yn enw Iesu Grist er maddeuant pechodau, ac fe dderbyniwch yr Ysbryd Glân yn rhodd. (Luc 2:38) Liw nos yn Oedfa Gymundeb y Sulgwyn, bydd Owain Llyr yn ymdrin ag ystyr y tri gair Edifeirwch, Bedydd a Derbyn. Bydd angen, mae’n debyg, pâr o glustiau newydd ar bawb!
Bydd cyfle i gyfrannu tuag at Cymorth Cristnogol yn ystod y dydd a bydd paned a nwyddau Masnach Deg yn y Festri wedi’r Oedfa Hwyrol.
Nos Lun (21/5; 19:00-20:30) - PIMS
Bore Gwener (25/4; 10:00): ‘Llynyddwch’. Paned wrth ymyl llyn llonydd y Rhath. Yn Terra Nova cawn gyfle i drafod, fesul pennod, llyfr Samuel Wells: How then shall we live (Canterbury, 2016). Echel ein trafodaeth fore Gwener fydd Disappointment (t.148-153).
YN ANAD UN (15) ATEB
Salm 9:18
Mae’r adnod hon yn sôn am y ‘tlawd a’r anghenus’ tra bod y gweddill yn sôn am estyn ‘cymorth’.
YN ANAD UN (15)
Pos wythnosol.
Ffordd hawdd a hwyliog i ehangu ein gwybodaeth Feiblaidd.
Daw'r ateb tua 21:30
Pa adnod NAD sydd yn perthyn i’r gweddill, a pham?
MINNY’D (33) WYTHNOS CYMORTH CRISTNOGOL
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
'YMLAEN' - Y SUL A'R WYTHNOS NEWYDD
Edrychwn ymlaen at yr Oedfa Foreol Gynnar dan arweiniad Owain (13/5 am 9:30 yn y Festri). ‘5kg’ fydd thema’r Oedfa hon! Dewch â chroeso i gael deall mor bwysig yw’r ‘5kg’ i fywyd, cenhadaeth a gwasanaeth yr eglwys leol. Bydd cyfle i gyfrannu tuag at GYMORTH CRISTNOGOL yn oedfaon y dydd a bydd hefyd cyfle i gyfrannau nwyddau tuag at Fanc Bwyd Caerdydd. Bydd brecwast bach a nwyddau Masnach Deg yn y Festri rhwng y ddwy Oedfa Foreol.
Yn yr Oedfa Foreol (10:30) cawn dystio i fedydd Nel. Yn homili’r Gweinidog cawn gyfle i ystyried y cwestiwn oesol gyfoes, bythol newydd: A oes gair oddi wrth yr Arglwydd? (Jeremeia 37:17). Bydd cyfle eto i gyfrannu tuag at Gymorth Cristnogol yn yr Oedfa hon a bydd hefyd cyfle i gyfrannau nwyddau tuag at Fanc Bwyd Caerdydd.
Ein braint pnawn Sul (14:30), fel eglwys, fydd cael bod yn gyfrifol am baratoi te i’r digartref yn y Tabernacl, yr Âis.
Liw nos, am 18:00; da fydd ymuno yng Ngŵyl Bregethu Eglwys y Crwys (Heol Richmond). Pregethir gan y Parchedig Marcus Robinson (Caernarfon). Ni fydd Oedfa Hwyrol ym Minny Street. Hyfrydwch, fel eglwysi’r ddinas, yw cael y cyfle i gyd-addoli a chyd-dystio. Duw a fo’n blaid i ni gyd yn ein gweinidogaeth.
Bydd ein Diaconiaid yn cwrdd nos Lun. Gofynnwn am arweiniad Duw wrth edrych a threfnu i’r dyfodol.
Dydd Iau (17/5; 10:30 -13:00): Taith Gerdded yn ardal Llandaf (manylion yng nghyhoeddiadau'r Sul).
Babimini bore Gwener (18/5; 9:45-11:15 yn y Festri): gwên, a chroeso, cwmni a phaned i’r rhieni; ac i’r plantos: hwyl a chân, chwarae a chwerthin. Gorffwysed bendith ar Fabimini. ‘Rydym yn ddyledus i’r rheini sy’n rhoi o’u hamser i gynnal y fenter bwysig hon.
MINNY’D (32) DYDD IAU DYRCHAFAEL
‘Minny'd’?
Myfyrdod sydyn syml yw 'Minny'd'.
Er mai dim ond munud sydd angen i'w ddarllen, mawr obeithiwn y bydd y neges yn aros gyda chi yn hirach o dipyn.
YN ANAD UN (14) ATEB
Hebreaid 2:8
Mae’r adnod hon yn sôn am ‘ddarostwng’ tra bod y gweddill yn sôn am ‘ddyrchafu’.
